Yahan Kab Koun Wafaoon Ka Sila Deta Hai

Yahan Kab Koun Wafaoon Ka Sila Deta Hai,
Muskuratay Huay Ek Naya Zakham Deta Hai,

Yeh Ajab dastoor Dekha Hum Nay Zamnay Ka,
Badlay Wafaoon Kay Bewafai Ka Zakham Deta Hai,

Yeh Zurf Shayad Humara Hi Hai Is Zamanay Mein,
Laga Letay Hain Us Ko Bhi Galay Jo Bad-dua Deta Hai,

Bus Aab Na Koi Aur Dost Bana Hussain,
Yahan Har Dost Dosti Mein Daga Deta Hai...

Herat Hai, Waqt Nay Bhi Sikhaya Nahi Tujhay

Herat Hai, Waqt Nay Bhi Sikhaya Nahi Tujhay,
Jeena Hai Kis Tarha, Yeh Bataya Nahi Tujhay,

Misal Gulab Tar Tujhay Rakha Hai Zeest Nay,
Meri Tarha Dukhoon Mein Jalaya Nahi TUjhay,

Mujh Ko Yaqeen Tha Kay Tujhay Roothna Too Hai,
Tu Rooth Bhi Gaya Too Manaya Nahi Tujhay,

Tu Ajnabi Raha, Teray Haq Mein Bhala Hua,
Apnoon Ki Qurbatoon Nay Sataya Nahi Tujhay,

Pighlay Hain Apni Aag Mein Hum Khud, Magar Kabhi,
Us Aatish Junoon Mein Jalaya Nahi Tujhay,

Itnay Thay Dil Garafta Judai Ki Raat Hum,
Apna Koi Bhi Shair Sunaya Nahi Tujhay...

Har Kisi Ko Aa's Mein Rakhnay Ki Aadat Us Ko Thi

Har Kisi Ko Aa's Mein Rakhnay Ki Aadat Us Ko Thi,
Warna Kyoun Matloob Gairoon Ki Rafaqat Us Ko Thi,

Kaisay Kar Leta Gawara Woh Meri Sansoon Ki Aanch,
Un Dino Khud Ko Apnay Saaye Say Bhi Wehshat Us Ko Thi,

Hijar Ki Ek Azmaish Say Ghuzar Janay Kay Baad,
Sari Dunia Say Judai Ki Shikayat Us Ko Thi,

Faislay Ka Haq Usay Hasil Tha Us Nay Kar Liya,
Mujh Say Kab Darkar Koi Bhi Wazahat Us Ko Thi,

Aaik Khasta Haal Shayar Kaisay Aasooda Hua?
Raat Ek Mehfil Mein Us Nuktay Per Herat Us Ko Thi,

Ek Khilona Tornay Kay Wastay Darkar Tha,
Aab Mein Samjha, Kis Liye Meri Zaroorat Us Ko Thi...

Hum Jin Ko Chahtay Thay Woh Pyaray Na Mill Sakay

Hum Jin Ko Chahtay Thay Woh Pyaray Na Mill Sakay,
Haan Dil Milay Zaroor , Sitaray Na Mill Sakay,

Aaik Dosray Ka Saath Diya Dour Dour Tak,
Lakin Kabhi Nadi Kay Kinaray Na Mill Sakay,

Bethay Rahay Hum Aa's Mein Yeh Naqad Jaan Liye,
Lakin IDhar Say Saaf Isharay Na Milll Sakay,

Phir Apni Apni Simt Hameen Loutna Para,
Apas Mein Apni Sooch Kay Dharay Na Mill Sakay,

Yakh Basta Raat Ab Kay Thar-tharatay Huay Kati,
Dil Kay Allao Mein Bhi Shararay Na Mill Sakay...

Aankhoon Say Dil Pighal Gaya, Chouti Si Ek Baat Per

Aankhoon Say Dil Pighal Gaya, Chouti Si Ek Baat Per,
Sara Jahan Badal Gaya , Chouti Si Ek Baat Per,

Niklay Jo Raah Shouq Mein, Hath Mein Haath Day Kay Hum,
Shehar Ka Shehar Jal Gaya, Chouti Si Ek Baat Per,

Yek Dum Khamosh Ho Gaye, Ghungroo Teri Sadaoon Mein,
Lehja Tera Badal Gaya, Chouti Si Ek Baat Per,

Aaik Bagla Dasht Ka, Shehar Mein Dekh Kar Mujhe,
Chehray Per Khak Mal Gaya, Chouti Si Ek Baat Per,

Ghar Ka Sukoon Chour Kay, Koi Tera Shakasta Dil,
Janay Kahan Nikal Gaya, Chouti Si Ek Baat Per,

Raat Woh Uth Kay CHal Diya, Baag Mein Chour Kar Mujhay,
Baraf Mein Jisam Dhul Gaya, Chouti Si Ek Baat Per,...

Aaj Phir Sataye Gi Raat Puray Chand Ki

Aaj Phir Sataye Gi Raat Puray Chand Ki !
Dar Badar Phiraye Gi Raat Puray Chand Ki,

Baam-o-Dar Ki Kaid Mein Roh Phar Pharaye Gi,
Wehshatain Barhaye Gi Raat Puray Chand Ki,

Jiss Taraf Bhi Jaoon Ga Meray Saaye Ki Tarha,
Meray Saath Jaye Gi Raat Puray Chand Ki !

Yeh Samndari Hawa, Us Pe Qarb Ka Nasha,
Kitnay Zulm Dhaye Gi Raat Puray Chand Ki,

Aaisa Lag Raha Hai Aab, TU Agar Bichar Gaya,
Lout Kar Na Aaye Gi Raat Puray Chand Ki,

Roshni Kay Shahar Mein Apni Apni Sej Per,
Subha Tak Jagaye Gi Raat Puray Chand Ki,

Aaj Hi Say Chour Day Mera Haath Warna Phir,
Umer Bhar Rulaye Gi Raat Puray Chand Ki...

Ishq Nay Kya Kya Ranj Sahay Tum Kia Jano

Ishq Nay Kya Kya Ranj Sahay Tum Kia Jano,
Aag Mein Kitnay Phool Khilay Tum Kia Jano,

Hijar Ki Kali Raat Mein Kaisay Kaisay Log,
Khak Mein Mil Kar Khak Huay Tum Kia Jano,

Hum Nay Aaik Tumharay Naam Ki Khushboo Say,
Kitnay Dasht Bahar Kiye Tum Kia Jano,

Apni Kitab Umer Ki Sari Satroon Main,
Hum Nay Kiss Kay Khuab Likhay Tum Kia Jano,

Tum Bichray To Hum Nay Apni Palkoon Per,
Kitnay Darya Rok Liye Tum Kia Jano,

Sur Ki Chaoon Mein Lafz Ki Kaliyan Khilnay Tak,
Hum To Sub Kuch Bhool Gaye Tum Kia Jano...

Woh Dilnawaz Hai Lakin Nazar Shanas Nahi

Woh Dilnawaz Hai Lakin Nazar Shanas Nahi,
Mera Ilaj Meray Chara-e-Gir Kay Pass Nahi,

Tarap Rahay Hain Zubaan Per Kai Sawal Magar,
Meray Liye Koi Shayaan Altamas Nahi,

Teray Jalwoon Mein Bhi Dil Kanp Kanp Uthta Hai,
Meray Mizaj Ko Aasoodgi Bhi Raas Nahi,

Kabhi Kabhi Jo Teray Qurb Mein Ghuzaray Thay,
Aab Un Dinoo Ka Tasawur Bhi Meray Pass Nahi,

Ghuzar Rahay Hain Ajab Marhaloon Say Deeda-o-Dil,
Sehar Ki Aas To Hai Zindagi Ki Aas Nahi,

Mujhay Yeh Dar Hai Teri Aarzoo Na Mit Jaye,
Bohat Dinoo Say Tabiyat Meri Udaas Nahi.

Kisi Kali Nay Bhi Dekha Na Aankh Bhar Kay Mujhay

Kisi Kali Nay Bhi Dekha Na Aankh Bhar Kay Mujhay,
Guzar Gaye Jurs Gul Udas Kar Kay Mujhay,

Mein So Raha Tha Kisi Yaad Kay Shabsattan Mein,
Jaga Kay Chour Gaye Kaflay Sehar Kay Mujhay,

Mein Ro Raha Tha Muqaddar Ki Sakht Rahoon Mein,
Ura Kay Lay Gaye Jadu Tari Nazar Kay Mujhay,

Mein Teray Dard Ki Tagya-ni-youn Mein Doob Gaya,
Kaattay Rahay Taray Ubhar Ubhar Kay Mujhay,

Taray Farak Ki Rateen Kabhi Na Bhooleen Gi,
Mazay Milay Unhain Raatoon Mein Umer Bhar Kay Mujhay,

Zara Si Dair Teharnay Day Aay Ghum-e-Dunia,
Bula Raha Hai Koi Baam Say Utaar Kay Mujhay,

Phir Aaj Aaye Thi Aaik Mojaa Hawa-e-tarab,
Suna Gaye Hai Fasanay Idhar Udhar Kay Mujhay.

Yeh Khush Nazri Khush Nazar Annay Kay Liye Hai

Yeh Khush Nazri Khush Nazar Annay Kay Liye Hai,
Andar Ki Udaasi Ko Chupanay Kay Liye Hai,

Mein Saath Kisi Kay Bhi Sahi Pass Hoon Teray,
Sab Darbadri Aaik Thikanay Kay Liye Hai,

Tootay Huay Khuaboon Say Uthai Hui Deewar,
Ek Aakhri Sapnay Ko Bachanay Kay Liye Hai,

Is Raah Pe Ek Umer Ghuzar Aaye To Dekha,
Yeh Raah Faqat Lout Kay Janay Kay Liye Hai,

Reh Reh Kay Koi Khaak Ura Jata Hai Mujh Mein,
Kiya Dasht Hai Aur Kaisay Gawanay Kay Liye Hai,

Tujh Ko Nahi Maloom Kay Mein Jaan Chuka Hoon,
Tu Saath Faqat Saath Nibhanay Kay Liye Hai,

Tu Nasal Hawa Say Hai Bhala Tujh Ko Khabar Kiya!
Woh Dukh Jo Chiragoon Kay Kay Ghar Kay Liye Hai...

Tery Ikhlas Sey Mohabbat Ki Hay

Tery Ikhlas Sey Mohabbat Ki Hay
Tery Ehsas Sey Mohabbat Ki Hay
Tu Mery Pass Nahi Hay
Phir Bhi Teri Yaad Sey Mohabbat Ki Hay
Main Tum Ko Kis Tarha Bhool Sakti Hoon
Main Ne Tery Osaaf Sey Mohabbat Ki Hay
Kabhi To Tu Ney Bhi Mujhe Yaad Kia Ho Ga
Main Ne Un Lamhat Sey Mohabbat Ki Hay
Jin Main mei Hoon Sirf Teri Or Meri Batain
Main Ney Un Oqaat Sey Mohabbat Ki Hay
Or Jo Mehke Hain Sirf Tery Hi Mohabbat Sey
Main Ne Un Jazbat Sey Mohabbat Ki Hay
Tuj Sey Milna To Ab Khawab Sa Lagta Hay
Main Ney Tery Intezar Se Muhabt Ki Hai.

Mujhay ab yaad mat kerna

Mujhay ab yaad mat kerna
Kabhi bhi yaad mat kerna
naya jo saal aye ga
Kai khushiyan bhi laye ga
inn khushiyon ko ab barbaad mat kerna
Mujhay ab yaad mat kerna
Kabhi bhi yaad mat kerna
go gher maloom ho mera
mager jab koi poochay to
to tum izhaar mat kerna
Mujhay ab yaad mat kerna
Kabhi bhi yaad mat kerna
mujhay haan yaad kernay say
ho izafa teri sochon main
mujhay ab apni sochon main shumaar mat kerna
Mujhay ab yaad mat kerna

Special Poetry On Birth Day

Ab Kay Bar Kuch Aisa Karna
Apnay Pichlay Mah-o-Saal Kay
Dukh Sukh Likh Kar Andaza Karna
Bhooli Basree Yadeen Taza Karna
Sada Sa Ik Kaghaz Lay Kar
Bhoolay Basray Pal Likh Laana
Apnay Saray Kal Likh Laana
Phir Is Beetay Ik Ik Pal Ka
Apnay Guzray Ik Ik Kal ka
Ik Ik More Ka a-Hata Karna
Saray Dost Akhatay Karna
Sari Subhain Hazar Rakhna
Sari Shamain Pas Bulana
Saray Mosam Dheen Main Rakhna
Ik Ik Yaad Guman Main Rakhna
Phir Mohtat k-yas Lagana
Gar Khoshian Barah Ja-ain To
To Phir Tum Ko Meri Taraf Say
Ainay Walay Sall Mubarik
Or Agar Gham Barah Jaian To
Mat Bekar Takallaf Karna
Dekho Phir Tum Aisa Karna
Meri Khoshian Tum Lay Leena
Mujh Ko Apnay Gham Day Deena
AB KAY BAR KUCH AISA KARNA

Happy Birth Day

tumay mana nahe ker saktay na

tumay mana nahe ker skty  na:)
Tum meri yaad ho mere pass ao tou koi baat bane
Tum meri jaan ho yoon zindagi mein ao tou koi baat bane
Tumhari yaad mein guzra har lamha mere din ko mehkata hai
Khushboo banke meri sanson ko mehkao tou koi baat bane
Mein duniya ki nahi karta parwah tumko jab yaad karta hoon
Kabhi tum bhi ruswayion ko gale se lagao tou koi baaat bane 
Raqeebon ko tumhare bare mein yoon batana accha nahi lagta
Kabhi khud bhi aao mere haal pe hans jao tou koi baat bane
Kabhi rootha nahi hoon tumse mein iss tarhan se ke
Mein tumse rooth jaoon aur tum mujhko manao tou koi baat abne
Humesha khuda se hi tumko manga hai sham-o-seher
Dua ko haath uthayein saamne tumhe payein tou koi baat bane
Qalam rukta nahai hai yaad ka darya beh jata hai
Kabhi tum bhi iss mein doob jao tou koi baat bane...

Dhoka

Kitab

Unko Apne Haal Ka Hisaab Kya Dete

Sawaal Saare Galat The Hum Jawaab Kya Dete

Wo To Teen Lafzon Ki Hifazat Bhi Na Kar Sake

Fir Unke Hath Me Zindagi Ki Puri Kitaab Kya Dete

apka ansoo apni ankh se gira sakty hain hum

Bin dekhay tasveer bana saktay hain hum

bin milay apka haal bata saktay hain hum

itna dum hai hamari mohabbat main ki

apka ansoo apni ankh se gira saktay hain hum

Pyar Ka Lafz

mere harfon se tujhe pyaar ka lafz hi mila tha kya

maayene badalane hi the to koi aur lafz hi churaaya hota

ab bataa pyar ki iss shaqal ko le kar kahan jaaun

shaksiyat badalni thi to koi aur naam hi bataaya hota

zindagi cheen kar tu ne maut mere haathon mein rakh di

zamaane mein beaabro jo kia, zara khuda bhi bulaaya hota

gumaaan bahut tha mujhe, ladne chali thi sabse

main jeet to jaati jo tu ne zara saath nibhaaya hota

tu dekh na paaya meri nazrein darwaaze pe hi tiki thi

kaash tune ek baar to zanzeer se khatkhataaya hota

haath to tu ne badaaya tha sanam meri taraf pehle,

ab jo sazaa di hai uska ilzaam khud par bhi lagaaya hota

Bazm-e-Sukhan (Tera Shukriaaa)

Tera Shukriaaa...

Yun Raah-e-wafa ki Saleeb par...

Tere do qadam uthaane ka shukria

Bara pur-khatar tha ye Raasta

Tere lot Jane ka shukriaaa...

Jo udaas hain tere hijr main,

Jinhain bojh lagti hai zindgi

Sar-e-Bazm unhain dekh kar..

Tere muskuraane ka shukriaaa

Teri yaad kis kis bhais main,,,,,

Mere Sher-o-Naghma main dhal gai.

Ye kamal tha Teri Yad ka

Mujhe yad aane ka shukria

Jo usool tha Zamane Bhar ka

Wo usool TU NE nibha diyya.

Yehi Rasm Thehre GE moutbar

Mujhe bhoool Jane ka shukria

Chalo Khuch Dair hanstey hain

Chalo Khuch Dair hanstey hain
Usi ko yaad kartey hain
Jisey hum zeest kehtay thy
Ke laina sans bhi jis ke bina
Humain ik jurm lagta tha
Ke sang jiss k har ik lamha
Khush-o-khuram lagta tha
Jisey hum zindagi kehtey
Jisey the shayari kehtey
Ghazal ka qafia tha jo
Nazm ka jo ke unwan tha
Woh lehja jab badalta tha
Qayamat khaiz lagta tha
Waqt se agay chalta tha
Bala ka teez lagta tha
Jo saya ban ke rehta tha
Juda ab uss ke rastay hain
Chalo khuch dair hanstey hain
Usi ko yaad kartey hain

Main saahil pey likhee hoee ibaarat nahee

Main saahil pey likhee hoee ibaarat nahee
Jo lehron se mit jaati hay
Main baarish ki barasti boond nahee
Jo baras ker tham jaati hay
Main khwab nahee
Jisey dekha aur bhula day
Main shama nahee
Jisey phoonka aur bujha day
Main hawa ka jhonka nahee
Jo aaya aur guzar gaya
Main chand bhi nahee
Jo raat k baad dhal jaye
Main to who ahsaas hoon
Jo tujh main lahoo ban ker gardish karay
Main to who rang hoon
Jo teray dil pay charay to kabhi na mitay
Main who geet hoon
Jo teray labon se juda na hoga
Khwab,ibaarat, hawa ki tarah
Chand,boond, shama ki tarah
Meray mitnay ka sawaal nahee
Kyunkay MÄÏN TÖ MÖHÄßßÄT HÖÖN
Aur Mohabbat Koi Zawaal Nahee....!!! !